Мектеп пен ата-ана серіктестігі – табысты тәрбиенің негізі.

Педагог қызметкерлердің тамыз конференциясы аясында Шуйский ауылының жалпы білім беретін мектебінің ата-аналар қауымдастығының төрайымы Наталья Сергеевна Шадрина «Ата-ана мен мектеп серіктестігі – ауылдық жерде табысты оқыту мен тәрбиелеудің шарты» тақырыбында отбасы мен мектеп арасындағы өзара іс-қимыл тәжірибесімен бөлісті.
Өз сөзінде Наталья Сергеевна ата-аналардың мектеп өміріне белсенді қатысуының, отбасы мен педагогтер арасындағы ашық диалогтың, сондай-ақ балаларды оқыту, тәрбиелеу және дамытуға ортақ жауапкершіліктің маңыздылығын атап өтті.
Мектептің әлеуметтік серіктестермен ынтымақтастығының арқасында оқушылардың жан-жақты дамуына жасалып отырған мүмкіндіктерге ерекше назар аударылды.
Атап айтқанда, спорт кешенімен бірлескен жұмыс жүргізілуде. Онда балалар үшін еркін күрес және волейбол секциялары ұйымдастырылға. Сондай-ақ ауылдық Мәдениет үйімен ынтымақтастық жолға қойылып, оқушылар вокал және хореография үйірмелеріне қатысып, домбыра да ойнауды үйренуде.
Баяндаманың маңызды бөлігі аудандық білім бөлімінің және «Курманкулов А.Б.» ЖШС директорының қолдауы туралы ақпаратқа арналды. Олардың қолдауының арқасында мектепте оқу-тәрбие үдерісін жайлы ұйымдастыру үшін қажетті жағдайлар жасалуда.
Тамыз конференциясына ата-аналар қоғамдастығы өкілінің қатысуы мектеп, отбасы және әлеуметтік серіктестер арасындағы ынтымақтастық баланың табысты дамуының маңызды шарты екенін тағы бір мәрте дәлелдеді.
«Мектеп пен отбасы бірге қадам басқанда, балаға өз болашағына қарай қадам жасау әлдеқайда жеңіл».