15.02.2026
МИФ декадасы аясында 7-сыныпта «Қысқаша көбейту формулалары арқылы өрнектерді түрлендіру» тақырыбында алгебра пәнінен ашық сабақ өткізілді. Сабақта білім алушылардың функционалдық сауаттылығы мен логикалық ойлауын дамытуға бағытталған тапсырмалар ұсынылды.
Сабақ барысында оқытудың белсенді әдістері қолданылып, топтық, жұптық және жеке жұмыс түрлері ұйымдастырылды, сараланған тапсырмалар берілді. Алгебралық өрнектерді ықшамдау және түрлендіру кезінде қысқаша көбейту формулаларын саналы түрде қолдану мен өрнектерді талдау дағдыларын дамытуға ерекше назар аударылды.
Сабақта критериалды бағалау қағидаттары жүзеге асырылып, рефлексия жүргізілді. Оқушылар теориялық білімдерін тәжірибеде қолдана білу және ынтымақтастықта жұмыс жасау қабілеттерін көрсетті.
Математика пәнінің мұғалімі – Аяндинова Е.В.